المقناص

[المهند الشبرمي]

الطف بانا يالطيف ويالله الرحمه
عند اختراف المبادي والفاهيمي
عشنا وشفنا عسى الله يحسن الختمه
ويقسم لنا الخيرمن خير المقاسيمي
وانا اشهد ان الحظيظ يم الخلا عن الزحمه
يم الخلا مع حلاله دايم مقيمي
يرتاح باله وينسى الهم والكتمه
لاشاف مزنً من الوسمي مقاديمي
لا شعق بوح برقع واشعل العتمه
وارهش وجها وجهه حناتيمي
وان راح للقنص مايطلق ولا صتمه
يقنص بحرا عفر نادر صواريمي
ينام بدري وناره طلعت النجمه
ترهش ونجره يصوت للشغاميمي
لا شال بيجر ولا جوال ابو تغمه
ولا شاف بق برذر ولا ستار اكاديمي

 

 

[تميم]

الله يعطيك العافيه يالمهند
ومافيك حيله ياابو اديب

[مستشار تميم]

صح لسانك يابو اديب

مشكور يالمهند

[المهند الشبرمي]

الله لايهينكم على المرور

[مشهور التميمي]

صح لسانك يبو اديب
وشكرا يالمهند على القصيده

[المقلوعه]

تسلم يالمهند وماقصرت

وصح لسان أبوأديب

أرعــــص هنــــــا

[المهند الشبرمي]

اقتباس: المشاركة الأصلية كتبت بواسطة المقلوعه     تسلم يالمهند وماقصرت وصح لسان أبوأديب أرعــــص هنــــــا

اخت مقلوعه شاكر لك مرورك واهتمامك

والمشاركه هذي نازله قبل المشاركه اللي تقولين

ولتأكد ناظري تاريخ المشاركات


تحياتي لكـ ,,

[عبد العزيز آل عبدالله]

ينام بدري وناره طلعت النجمه
ترهش ونجره يصوت للشغاميمي
لا شال بيجر ولا جوال ابو تغمه
ولا شاف بق برذر ولا ستار اكاديمي


صح لسان أبو أديب

وتسلم يالمهند

[المهند الشبرمي]

الله يسلمك ويسلم غاليك طال عمرك


تحياتي لكـ ,,

[المقلوعه]

اقتباس: المشاركة الأصلية كتبت بواسطة المهند الشبرمي     اخت مقلوعه شاكر لك مرورك واهتمامك والمشاركه هذي نازله قبل المشاركه اللي تقولين ولتأكد ناظري تاريخ المشاركات تحياتي لكـ ,,

السموحهـ أخوي بس أنا ماأنتبهت لموضوعكـ الا بعد ردي على الثاني

وأنا مارطحت الرابط الا علشان تدمجون الموضوعين مع بعض

والا يتم حذف واحد منهم

تحياتي لكـ

^_^