ياسعـــد

[عبدالعزيز الصقيه]

.

ياسعد وش شاف مجنون ليلى بالغرام=أشهد انه وان بِلِي بلوته ياهونها
ياسعد ليلاه وان مات فيها مستهام=تدري انه بالهوى ياسعد مجنونها
المصيبه من غدى ميتٍ له كم عام=عشقته ماتدري انه قتيل عيونها
قرهدت نفسه عليها ومرّ الكبد زام=ودوك قلبه ياسعد مزّعته طعونها
ياسعد والله يالولا الحيا واخشى الملام=والقرابه والحيا والهوى وجفونها
لاانهبه وانحاش واجلى جنوب ديار يام=ما يردن لو وقف جيش هتلر دونها
ياسعد راع الهوى بالهوى لاضيم شام=مايرده طول بيبانها وحصونها
وان غوى راع الهوى في هواها مايلام=لااجتمع غبن الزمن ياسعد وغبونها
ياسعد هي منوة اللي تمنى والمرام=لعن ابو حظٍ قصر ياسعد من دونها
أسمع الرعاد واخيل براق الغمام=بس مادري ياسعد وين وبل مزونها
وياسعد والله فلا اسلى هواها لاحرام=لو يلوح الشيب في لحيتي وقرونها
وخذ وصاتي ياسعد وصلّه بنت الحشام=ذي وصاتي كان غيري غدى مظنونها
لا شرت ثوب الفرح تشتري لي باع خام=يدفنوني ليلة العرس ويزفونها

.

 

 

[ღBint Thaniღ]

المصيبه من غدى ميتٍ لـه كـم عـام
عشقته ماتـدري انـه قتيـل عيونهـا

لا هنت

[أنت فخرنآ يآخليل]

صح لسآنك يآخليل

:

وتسلم يمينكـ خيو

:

[غُـفـران]

من أروع ما سمعت وقرأت هذه القصيده..

فعلاً شاعر..

لا هنت..

[مصعب التميمي]

شرت ثوب الفرح تشتري لي باع خام
يدفنونـي ليلـة العـرس ويزفونـهـا

شاعر اتقن الحروف الشاعريه

لا هنت اخ عبدالعزيز

[ابن تميم]

أسمع الرعـاد واخيـل بـراق الغمـام
بس مادري ياسعد وين وبـل مزونهـا


ياحبكم يالتمايمة للأمطار

[نواف التميمي]

صح لسانك ولسان شاعرها الشبرمي

[أبوتميم]

[تميم]

لا شرت ثوب الفرح تشتري لي باع خام
يدفنونـي ليلـة العـرس ويزفونـهـا


صح لسانك ياابو اديب

[The King]

المصيبه من غدى ميتٍ لـه كـم عـام
عشقته ماتـدري انـه قتيـل عيونهـا



الله لا يهينه وصح لسانه