السلام عليكم ورحمة الله وبركاته
للحفــــــــــظ هنا رابط مباشر
قصيده
––––•(-•جتني رسالتها •-)•––––
هي عبارات ..
" لا "
بل عبرات تسكب لمن هجر وقهر وقطع
على عتبات تذكر الموت تنقطع كل حضوض النفس وكبريائها
" ياخوي و يا اختي "
بيفرحك خبر موتي وانت ماشفتني من سنين ؟
قاطعتني عشان كلام الناس أو بسبب كلام الناس أو بسبب أرض ودنيا دنيئة
أو لأي سبب !!
ونسيت أيام طفولتنا مع بعض !
يوم كنت أنام في حضنك .. وتشوف سعادة دنياك في سعادتي
يوم كنت تقدمني في طلباتي على نفسك وعيالك .. وحتى زوجتك !
يوم كنا نتقاسم " حلاوة " أبوي اللي يجيبها لنا وهو جاي من الدوام !
نسيت يوم كنت تمرض واجلس جنبك افرك بيدي مدري وش اسوي عشانك ..
ويوم كنت أمرض وتسرع بي للمستشفى
تخاف علي من إحساسي بالألم ..
" واليوم أنت كل الألم "
آآآآآهـ يا " أخوي ويا أختي "
كلمــــات القصيدهـ
::
::
::
::
جتني رسالة من صدى خافق الروح
وقريتها بإحساس قلبـي وروحـي
قريتها وانهدّت قصـور وصـروح
وأنا من أول عالياتـن صروحـي
تشكي تقول القلب يا حمود مجروح
ما تدري اني غايراتـن جروحـي
تهلّ دمع وترفع الصـوت بالنـوح
واللـي فقـد غاليـه لازم ينوحـي
ما كلّمتني يمكن الصـوت مبحـوح
من النوح وإلا ما استطاعت تبوحي
جتني رسالتها بها دموع وجـروح
وانهَد باسباب الرسالـة طموحـي
تقول ياحمود الزمن صار مفضـوح
والشيب فيني لو تشوفـه يلوحـي
يا بو علي مالي بالأغراب مصلوح
مادام قلب اللـي نحبـه شحوحـي
ودّي بشوفك دام الأعمار بفسـوح
قبل الرحم يا خوي منـا يروحـي
زلّ الزمان اللي به أفراح ومـزوح
أنخـاك تكفـى لا تظنّـه مزوحـي
وبعد الرسالة صار بالقلب ذابـوح
طار المنام وصار فكـري يشوحـي
أختي رسالتها لها القلـب مفتـوح
كلّي لها والقلب ينصـت ويوحـي
أقولها ودموع عينـي لهـا فـوح
وسط المحاجر دمع عيني يفوحـي
أجاوب الورقا على عالـي الـدّوح
وأنوح من فرقا الرفيق السموحـي
والله لو إني وسط الأطباق مذبـوح
لأظهر كما خطو الحصان الجموحي
وأقول يا عين المها ما بها شروح
لو تطلبين الروح تفـداك روحـي
**************************************
الشاعر: حمود الشمري
إنشاد : أبو يزيد
النشيد من شريط دواوين
لحفــــظ مقطع صوتي هنــــ mp3 ـــــا
05-05-2008, 10:49 AM
جتني رسالتها فلاش +مقطع صوتي 
المواضيع المتشابهه 
RSS 
CSS 
XHTML 
Sitemap 
العرض العادي
