أتركيني يا عزيزة للشتات

[عبدالعزيز الصقيه]

.

اتركينـي يـا عزيـزة للشتـات=والعنا والبعـد والليـل الطويـل
وريحيني من غموض المفـردات=وكبرياء الكذب والعـذر الهزيـل
وحاصريني صمت من كل الجهات=واذبحيني بوح في نبـرة عليـل
واسألي غدر اليديـن الناعمـات=عن ثلاث طعون في صدر القتيـل
وافرحي لاقيـل فارقـت الحيـاة=وزغردي لاشيعـوا جثـة خليـل
وكل شيٍ بيننا يـا بنـت مـات=ولابقى بعد الرحيـل الا الرحيـل
وانتهت رحلة ثمـان الطايـرات=وابتدت قصـة لقانـا المستحيـل
كنتِ أجمل من رأيت من البنـات=ومالك بعينـي مثيـل ولا بديـل
وصرتِ أشنع جرح وأبشع ذكريات=للأنانيـة ونـكـران الجمـيـل
ولا تبقى من غـلاك إلا الرفـات=ولا تلاشى من عنـاي إلا القليـل
ودعيني يوم فقت مـن السبـات=ولا تعديني سوى عابـر سبيـل
اقترف في حـق نفسـه سيئـات=ولا يكفرها سوى البعـد الطويـل

.

 

 

[ღBint Thaniღ]

وافرحي لاقيـل فارقـت الحيـاة
وزغردي لاشيعـوا جثـة خليـل


جعل عمرك من طويلين الاعمار

الف شكر

[غُـفـران]

اقتباس: وافرحي لاقيـل فارقـت الحيـاة وزغردي لاشيعـوا جثـة خليـل

الله يطول عمره بالإيمان.. وطاعة الرحمن..

قصيده لأول مره أقرأها.. وصدمت من روعتها فعلاً..

[مصعب التميمي]

صح لسانك يا بو اديب

ما قصرت عبدالعزيز

[qтя-šку]

جعل عمره يطول

قصيدة حلوووه وصح لسانه

يعطيك العافيه اخوي

[نواف التميمي]

صح لسانكـ ولسان الشبرمي تسلم يمينك وبيض الله وجهكـ

[تميم]

وافرحي لاقيـل فارقـت الحيـاة
وزغردي لاشيعـوا جثـة خليـل

بعد عمر طويل ان شاء الله

[الدريفيس]

يعطيك العافيه أخوي عبدالعزيز ..

اقتباس: وصرتِ أشنع جرح وأبشع ذكريات *** للأنانـيـة ونـكـران الجمـيـل

كبير يا أبو أديب ..

[مستشار تميم]

وصح لسانك با ابو اديب

يعطيك العافيه يالغالي عبدالعزيز

[سداحـ التميميـ]

كنتِ أجمل من رأيت من البنـات
ومالـك بعينـي مثيـل ولا بديـل
وصرتِ أشنع جرح وأبشع ذكريات
للأنانـيـة ونـكـران الجمـيـل
ولا تبقى من غـلاك إلا الرفـات
ولا تلاشى من عنـاي إلا القليـل