واونتاه اللي من العام ...

[المهند الشبرمي]

واونتاه اللي من العام للحين
وافوح كبدي.. وآآآآه.. وعزتالي

وابري حالي كل ما قلت بتزين
عيت تزين وصحت وابري حالي

البارحة مامسيت والناس ممسين
عيني قزت والقلب يصلاه صالي

يرجف ورجفه كنه عيار خمسين
مع هيلعٍ عند اللقا ما يبالي

وانس بكبدي مثل طعن السكاكين
ولا حدٍ فطن ياخوك للي جرالي

تخالفن ياخوك كل الموازين
والحمل كايد واحتملته لحالي

ان اشهد ان الموت ضيم الموالين
والغدر امره من رفيقٍ موالي

والخدش كبه لو رصيده ملايين
وانص الولد لو ما بجيبه ريالي

تمقلي ياعين دامك تشوفين
وتوكدي حرام والا حلالي

السيل سال وشال روس وكراعين
والله يثبت راسيات الجبالي

وحنا على درب المقادير ماشين
ولا حدٍ درى عن غيب سود الليالي

يا من ترى وتشوف وتروف وتعين
أبطلبك يامن عليك اتكالي

انك على درب السلامة تقدين
وتلطف بحالي يا عزيز الجلالي

 

 

[تميم]

اقتباس: وانس بكبدي مثل طعن السكاكين ولا حدٍ فطن ياخوك للي جرالي

لاهنت يالمهند

[المهند الشبرمي]

ولا اياك يابعدي


تحياتي لك

[الضبيب التميمي]

اقتباس: المشاركة الأصلية كتبت بواسطة المهند الشبرمي     تمقلي ياعين دامك تشوفين وتوكدي حرام والا حلالي وحنا على درب المقادير ماشين ولا حدٍ درى عن غيب سود الليالي

جعلك سالم وغانم على نقل القصيده
وصح لسان ابو اديب

[المهند الشبرمي]

اقتباس: المشاركة الأصلية كتبت بواسطة الضبيب التميمي     جعلك سالم وغانم على نقل القصيده وصح لسان ابو اديب

هلا بك يابعدي


ولاهنت على مرورك


تحياتي لك

[المقلوعه]

تمقلي ياعين دامك تشوفين
وتوكدي حرام والا حلالي

السيل سال وشال روس وكراعين
والله يثبت راسيات الجبالي


صح لســانكـ ولاهنت

^_^

[المهند الشبرمي]

اقتباس: المشاركة الأصلية كتبت بواسطة المقلوعه     تمقلي ياعين دامك تشوفين وتوكدي حرام والا حلالي السيل سال وشال روس وكراعين والله يثبت راسيات الجبالي صح لســانكـ ولاهنت ^_^

صح لسان قايلها

ولا هنتي على المرور


تحياتي لك

[مستشار تميم]

صح لسانك يا أبــو اديب



يعطيك العافيه اخوي الغالي يالمهند

[المهند الشبرمي]

اقتباس: المشاركة الأصلية كتبت بواسطة مستشار تميم     صح لسانك يا أبــو اديب يعطيك العافيه اخوي الغالي يالمهند

الله يعافيك يابعدي


وتحياتي لك

[احساس العالم]

يا من ترى وتشوف وتروف وتعين
أبطلبك يامن عليك اتكالي

انك على درب السلامة تقدين
وتلطف بحالي يا عزيز الجلالي

آآمين وحالي ياربــــ

تسلم على النقـــــــل